Benefit

 Hi Girls 

كيفكم يارب تمام 

حابة اتكلم لكم عن منتجين مرة حابتهم من benefit

صراحة أبدا ما استغني عنهم يعني كل ما خلصوا ارجع اشتريهم 

that gal and high beam 

that gal

برايمر للوجه مره جميل قوامه خفيف على البشرة و يعطيها إشراقة لونه مشمشي فاتح جدا بس اذا حطيتيه على وجهك مايطلع لون 

اللي حبيته فيه انه اذا حسيت بشرتي شوي مافيها إشراقة و ماودي أحط فاونديشن او بي بي كريم احطه طبعا هو مايعطيك تغطية للعيوب اللي في الوجه لا بس استعمله علشان ارطب بشرتي و في نفس الوقت ابيها تكون مشرقة .

و بعد أحطه احيانا قبل ما احط الفاونديشن مره أحبه وبعد اذا حطيته على وجهي أحس ببرودة على وجهي هذا أكثر شي حبيته 

اذ بغيتي تحطينه تبرمينه من تحت و يطلع لك المنتج من فوق ما احطه بفرشة احب احطه بأصبعي نقط بعدين أوزعه على البشرة بيدي .

high beam 

اضائة قوامها سائل شوي البعض يفضل الباودر علشان توزيعها أسهل بس انا جربت الإثنين هذي الإضائة حبيتها مره لأنه مهما حطيتي منها ماتبين انها قوية و لمعة بالعكس خفيفة احطها بالمناسبات البسيطة اذا ما ابي شي قوي .

طريقة استخدامها حطي بنفس الفرشة نقط على اعلى عظمة الخد و تحت الحاجب واعلى الشفايف علشان تبينها ممتلئة شوي و على عظمة الأنف .

لها إستخدام ثاني بعد تابعت كذا خبيرة تجميل تسويه انه تخلطين كم نقطة منها مع كريم الأساس (foundation) تعطي لوك مشرق للوجه و رطب مو مات .

وبس 

أتمنى من كل قلبي أنكم تستفيدون من الموضوع و يكون الشرح واضح 

وفي النهاية ممكن اللي احبه و يعجبني ويناسبني مايناسبك فتأكدي قبل ما تشترين أي منتج جديد إنك تجربين قبل .

LOVE YOU 

2 comments Beauty, Reviews