مرحبا بنات :)
أخباركم يارب تمام
حابة اتكلم لكم عن كم منتج لي فترة استخدمهم بعضهم حبيتهم وبعضهم لي ملاحظات عليهم
المهم خلونا نبدأ :)
أول منتج فاونديشن HELLO FLAWLESS OXYGEN WOW من benefit
سمعت مدح كثير عليه و أنه خفيف على البشرة ومايكتمها مثل الأنواع الثانيه
ومن تجرتي له فعلا خفيف جدا تقدرين تحطين أكثر من طبقة و قوامه سائل يعني مو مثل باقي الأنواع الثانية سهل توزيعة
بس اللي ماحبيته فيه لونه حسيته شاحب شوي مع إني اخذت درجتي وحسيته بعد ناشف شوي يعني لازم ترطبين بشرتك تمام اذا عندك عيوب في بشرتك و تبين تغطية كويسة ما أنصحك في أبدا
الخلاصة إني ما أفكر ارجع اشتريه مرة ثانية لأني ماحبيته مره مع إني خلطته مع أنواع ثانية و حطيته بفرشة و ببيوتي بليندر و بأصابعي بس نفس الشي ماعجبني .
ثاني منتج SKIN LUMINIZER FOUNDATION من MAX FACTOR
أعتقد واضح من كثر ماني حابته بيخلص مره جميل يابنات يقولون إنه في برايمر و خافي عيوب و مرطب يعني لو تحطينه لحاله بيمشي تمام معاك انا طبعا قبل لا احطه لازم مرطب و برايمر و احطه بعدين بس حبيته بشكل مره عاجبني يعطيك اشراقة كذا و لمعة حلوة للوجه اذا طول على البشرة لازم ترجعين تثبتينه بباودر لأنه يدهن شوي بس جميل و كل اللي عندي عاجبهم و حابين نتيجته معاهم .
ثالث و رابع منتجين BB cream , CC cream
بي بي كريم من ميبلين مايختلف عليه احد اغلب البنات حابينه و صراحة انا مره حابته و مافكرت اغيره احس اكثر شي ناسب بشرتي خفيف و يعطي إشراقة للبشرة فيه نسبة حماية من الشمس ينفع للجامعة والدوام .
سي سي كريم من ماكس فاكتور مره عاجبني اثقل من البي بي كريم اذا تبين تغطيه اثقل من البي بي كريم و أقل من الفاونديشن بيناسبك انا احيانا للعزايم اذا ما ابي شي ثقيل أحطه نتيجته على البشرة مات مطفي يعني و بعد فيه نسبة حماية من الشمس بس بسيطة.
خامس منتج BB Cream Garnier
الدرجات حقته محدودة جدا اعتقد ثلاث درجات درجتي لايت مناسبتني و حلوة تغطيته بسيطة و يعطي الوجه لمعة كأنه مرطب وصحي بس نتيجته ماتطول يعني لازم تكون معاك باودر تثبتيه وقوامه سائل .
حاطته جنب بي بي كريم ميبلين علشان أقارن لكم بينهم صراحة اذا بتشترون لا تاخذون الا ميبلين أجمل بكثير مافي مقارنة بين الإثنين ميبلين المفضل عندي .
وبس اتمنى يعجبكم البوست و تستفيدون منه .
LOVE YOU
حلووو كثير الريفيو وانا مثلك حابه ميبيلين وجربته بعده كثير بس مافي افضل منه
ReplyDelete