مرحبا بنات
كيف رمضان والصيام معاكم الله يتقبل مننا و يكتبنا من المغفور لهم بإذن الله
المرة هذي حابة أشارككم مشترياتي من iHerb
مجموعة زيوت للشعر والجسم
زيت جوز الهند Coconut Oil
له استخدامات كثيرة للشعر و للبشرة وبعد ينفع تزيلين فيه المكياج
وينفع للطبخ .
رائحته جميلة أبدا موثقيلة مثل زيوت جوز الهند الثانية .
زيت الأفوكادو Avocado Oil
نفس الشي له استخدامات كثيرة للبشرة والشعر و ينفع بعد للطبخ
زيت اللوز Almond Oil
استخداماته للشعر و البشرة وينفع بعد للطبخ
زيت فيتامين إي Vitamin E-Oil
مرة جميل و ترطيبه حلو و لاهو ثقيل على البشره
للأظافر و البشرة و تقدرين تخلطينه مع أي كريم للجسم يعطيك ترطيب و نعومة
تونر للبشرة ببتلات الورد
بعد ماتغسلين وجهك بغسول الوجه الخاص فيك حطي منه بقطنة و مرريها على وجهك و رقبتك ينظف لك البشرة و بعدها تقدرين تحطين اي مرطب يناسبك .
ماسك الطين المغربي للوجه
يجي زي البودرة تحطين منه الكمية اللي تحتاجينها و تخلطين معاه ماء ورد أو ماء عادي و تخلطينه مع بعض و توزعينه على بشرتك و تخلينه حتى يجف بعدين تغسلينه و بعدها حطي مرطب للبشرة لأنه ينظف البشرة مره و يجففها شوي .
الصابونه الأفريقية
مكوناتها الشوفان و نبات الألوة و فيتامين إي
حبوب الكولاجين
سمعت مدح عليها كثير للشعر و البشرة و الأظافر و المفاصل و العظام
حبوب أوميغا 3
مكمل غذائي لصحة الجسم كامل لأنه مانأخذ حاجتنا من الأوميغا 3 دايم في أكلنا
ابحثوا عنها بقوقل تشوفون فوائدها
بودرة جسم للأطفال عضوية و خالية من العطور و ماتسبب تحسس للأطفال طلبتهااختي لبنتها
نوعين شاي لتنظيف الجسم شفت مدح كثير على الماركة نفسها وفي أنواع كثيرة بس قلت أجرب النوعين هذي في البداية
XTEND BCAA
BCAA ينفع للأشخاص اللي يسوون رياضات قوية سواء بالنادي أو البيت
طريقة إستخدامه تاخذين سكوب منه و تخلطينه مع ماء بارد هذا بنكهة البطيخ يعطي طاقة و يساعد بحرق الدهون و حماية العضل .
بذور الشيا
لها استخدامات كثيرة تقدرين تحطينها مع أكلك و مع السموذي مرة مفيدة
شطة حارة سمعت مدح كثير عليها و قلت خليني أجربها
هذي مشترياتي من iHerb
يارب انكم تستفيدون منها
LOVE YOU
0 comments:
Post a Comment